Кез келген мемлекеттің өзегі - оның бірегей мемлекеттік тілі. Үш тілді меңгеру, білу - бұл жаһандық әлемге жолдама деген сөз. Бұл адамның өмірдегі табыстылық, жетістік принципі.  Сондықтан да олар әлемнің кез келген өңірінде жұмыс істеп, күнін көре алатын болады. Яғни, бүгінгі күрделі әлемде біздің балаларымыз өздерін «судағы балықтай» сезінуі керек, біз соған жағдай жасап жатырмыз», - деді Н.Назарбаев. 
7-11 қыркүйек аралығында тілдер апталығына байланысты 8а сыныбында "Үш тілдің патшалығы"  атты сынып сағаты өтті. Сынып сағатының мақсаты: оқушылардың қазақ, орыс, ағылшын тілдеріне деген қызығушылықтарын оятып, тіл үйренуге деген ықыластарын туғызу. Ана тілі мен өзге
тілдерді құрмет тұтуға тәрбиелеу. Елбасымыздың «Үш тұғырлы тіл» саясатын насихаттау.
Ш. Айтматов: «Ана тілі жоқ жерде ұлт жоқ». «Үш тұғырлы тіл - болашағымыздың ертеңі» демекші, әрбір оқушы үш тілін құрметтеп, жітік меңгеруі қажет. Сынып сағаты барысында оқушылар үш тілге байланысты сұрақтарға жауап беріп, ойын ойнады және де өлең оқыды. Әрбір бала өз қабілеттерін көрсете біліп, өз ойын толық, әрі нақты жеткізді. Оқушылар Отан, ел рәміздері, тіл, білімге байланысты үш тілде мақал айтып жарысты. Өткізілген сынып сағаты өз мақсатына жетті.
Сынып сағатын  қорытындылау барысында: "Әлемде қанша ұлт, нәсіл болса, соларды бір бірінен даралап тұратын басты бойтұмары - туған тілі. «Әр халықтың ана тілі - білімнің кілті» -Ахмет Жұбановтың нақыл сөзімен аяқталды.